Risku Saida ho Politika Privasidade WhatsApp?

By Metodio Caetano Moniz | 760 Views 19 Jan 2021, 04:06:15 HTL Teknolojia
Risku Saida ho Politika Privasidade WhatsApp?

Caption: Figura ilustrasaun (www.zeebiz.com)


Hafoin mosu reazen no kritikas makaás hosi públiku (uzuárius), WhatsApp adia implementasaun polítika provasidade foun, neébe antes neé atu aplika hahu dia 8 Fevereiru 2021. Kuandu la aseita ho polítika refere, WhatsApp sei suspende ka blokeia uzuáriu ninia account.

Polítika privasidade foun neé “obriga” uzuáriu sira tenki aseita no autoriza WhatsApp hatutan dadus neébe rekolla hosi aparelu (telemovel ka komputador) mak uzuáriu uza hodi asesu WhatsApp ba Facebook.

Dadus saida deit mak WhatsApp rekolla? Metadata! Sitadu hosi inet.detik.com, metadata neébe WhatsApp rekolla hosi uzuáriu sira mak hanesan:

Nutisias Relevantes:

  1. Informasoens bazikas konaba ita nia aparelu;
  2. Detalles konaba aparelu, marka, tipu, memória;
  3. Sistema operasaun (Android, iOS, Windows, Mac) mak instala iha uzuáriu ninia telemovel ka komputador;
  4. Detalles konaba IP Address no Internet Service Provider (ISP);
  5. Asesu WhatsApp liu hosi operador telekomunikasaun saida;
  6. Númeru telemovel;
  7. Informasoens bazikas konaba uzuáriu;
  8. Uzuáriu koñese ema se-se deit;
  9. Uzuáriu haruka mensajen ba se-se deit;
  10. Frekuênsia halo komunikasaun ho ema ka iha grupu WhatsApp ruma;
  11. Ema se deit mak kontaktu uzuáriu;
  12. Uzuáriu sempre halo kontaktu ho se;
  13. Oinsa ita nia reasaun bainhira hetan kontaktu hosi parte deskoñesidu;
  14. Uzuáriu involve iha grupu WhatsApp saida deit;
  15. Iha grupu WhatsApp neé uzuáriu hamutuk ho se deit (membrus grupu);
  16. Uzuáriu ninia lokalizasaun bainhira uza WhatsApp hodi kontaktu parte ruma.

Hosi metadata neé, WhatsApp bele hatene uzuáriu ninia padraun (pola) komunikasaun sem presiza hatene konteúdu hosi komunikasaun. WhatsApp mos bele hatene uzuáriu sempre halo kontaktu ho se, horbanihira, no dala hira (frekuênsia).

Maske nuneé, depende ba uzuáriu atu nafatin uza ka lakohi uza WhatsApp para fasilita komunikasaun. Se konsidera metadata neé importante, no perigozu bainhira ema seluk hatene, polítika WhatsApp sai ameasas ba privasidade. Karik lae, nafatin uza WhatsApp laos “pekadu”.*




Write a Facebook Comment

Hakerek ita nia komentariu uza account Facebook

View all comments

Write a comment

Loading....


Kanan - Iklan Sidebar

Lalatak Sosmed

Hare ami iha facebook, twitter, Instagram, Youtube para akompanha informasaun atual.