Protesta, Tom Cruise Devolve Premiu Golden Globe

By Metodio Caetano Moniz | 471 Views 11 Mai 2021, 09:10:22 HTL Divertimentu
Protesta, Tom Cruise Devolve Premiu Golden Globe

Caption: Tom Cruise ho premiu Golden Globe (Foto: msn.com).


Artista Tom Cruise devolve premiu Golden Globe ba Hollywood Foreign Press Association (HFPA), ne’ebe nia manan liu hosi filme Jerry Maguire (1997), Born on Fourth July (1990), no nudar ator koadjuvante iha filme Magnolia (2000).

Sita hosi MSN (11/05/2021), asaun ne’e nia halo hodi suporta protesta hosi artista sira seluk ba HFPA, relasiona ho falta konsiderasaun ba diversidade no prátika diskriminativu konaba rasa hosi na’in ba premiu Golden Globe ne’e, ne’ebe hosi total membrus nain 87, nein ida mak reprezenta rasa negrus.

Laos Tom Cruise deit, antes ne’e Scarlett Johansson, ator ida iha filme Avengers publika komunikadu hodi husu ba komunidade entretenimentu (komunitas hiburan) atu la hola parte ka la partisipa iha kualker eventu mak patrosinada ka halao hosi HFPA.

Nutisias Relevantes:

    “Kuandu la halo reforma fundamental nesesaria iha sira nia organizasaun, hau fiar katak tempu ona ba ita atu dada-an hosi HFPA,” nia hateten ba CNN.

    Protesta hasoru HFPA ne’e hahu kedas iha fulan Marsu 2021 liu ba, loron rua antes realizasaun Golden Globes Awards. Artistas Hollywood no komunidade entretenimentu seluk kestiona konaba adezaun ne’ebe la inkluzivu. Sira halo kampaña atraves hashtags  #TimesUpGlobes hodi protesta situsaun dezigualdade ne’e.

    Laos deit ho hashtags, sira mos halo poster ho dezeñu premiu Golden Globe ne’ebe nakfera, ho kaligrafia “Hollywood Foreign Press Association. Not A Single Black Member Out of 87.” Artista hirak ne’ebe involve iha kampaña ne’e hanesan Chris Hemsworth, Regina King, Jennifer Aniston, Mark Ruffalo, Sacha Baron Cohen, Sterling K. Brown, no sel-seluk tan.

    Hatan ba preokupasaun ne’e, HFPA hato’o klarifikasaun no promote sei halo reforma total. Sira mos promote atu toma konsiderasaun ba situasaun dezigualdade ne’e no ba oin sei involve partes oioin.*




    Write a Facebook Comment

    Hakerek ita nia komentariu uza account Facebook

    View all comments

    Write a comment

    Loading....


    Kanan - Iklan Sidebar

    Lalatak Sosmed

    Hare ami iha facebook, twitter, Instagram, Youtube para akompanha informasaun atual.