Prezidente Republika Promulga Ona OJE Tinan 2021

By Metodio Caetano Moniz | 776 Views 29 Dez 2020, 05:52:23 HTL Politika
Prezidente Republika Promulga Ona OJE Tinan 2021

Caption: Prezidente Repúblika Dr. Francisco Guterres Lú Olo (Foto: Pájina Facebook Presidência da República Democrática de Timor-Leste).


Prezidente Repúblika Dr. Francisco Guterres Lú Olo, Segunda-feira (28/12/20) promulga ona Orsamentu Jeral Estadu (OJE) ba Tinan 2021 ho montante millaun 1,895 dolares amerikanu, hafoin hetan aprovasaun Parlamentu Nasional (PN) ho votu a favór 44, laiha kontra, no laiha abstensaun.

Sita hosi pájina facebook Presidência da República Democrática de Timor-Leste, durante tinan 2021, Governu hetan autorizasaun atu realiza transferénsia hosi Fundu Petrolíferu too montante millaun 1,377.6 dolares amerikanu, hodi antende orgaun no servisus sira iha setor públiku administrativus ninian.

Fontes neé hatutan, OJE tinan 2021 hamosu alterasaun metodolójika balu neebé halo indikasaun despezas tuir programa ida-idak nian, aleindé utiliza klasifikasaun orgánika (entidade neebé mak atu realiza despeza) no klasifikasaun ekonómika (tipu despeza neebé mak atu realiza).

Nutisias Relevantes:

Antes neé, Primeiru-Ministru Taur Matan Ruak, iha aprezentasaun Proposta Lei ba PN hateten, OJE-2021 dezenvolvidu atu hatán ba dezafiu sira, haburas ekonomia, proteje no investe ba povu, nomos fó biban ba foinsaé sira hodi integra iha sosiedade nia leet atu realiza mehi.

Iha sesaun enseramentu diskusaun OJE 2021 Primeiru-Ministru esklarese, “sei hahú siklu foun ida atu normaliza siklu orsamentál anuál nian no, iha tempu hanesan, rekupera ekonomia, ne’ebé monu tanba efeitu sira husi COVID-19 no rejime duodesimál.”*




Write a Facebook Comment

Hakerek ita nia komentariu uza account Facebook

View all comments

Write a comment

Loading....


Kanan - Iklan Sidebar

Lalatak Sosmed

Hare ami iha facebook, twitter, Instagram, Youtube para akompanha informasaun atual.