Meta Mali: Rekonsiliasaun Hahu 1975

By Martin Moniz | 1067 Views 08 Set 2020, 11:16:28 HTL Politika
Meta Mali: Rekonsiliasaun Hahu 1975

Caption: Ministru Asuntu Kombatentes Libertasaun Nasional (MACLN) Julião Sarmento ‘Meta Mali’ halo abertura iha seminariu nasional komemora levantamentu Kraras, Mehara, Mauchiga, Rotutu, nomós Marabia, iha edifsiu Centro Chega! (Foto: Sidonia Soares | LALATAK.COM).


Ministru Asuntu Kombatentes Libertasaun Nasional (MACLN, sigla Portugues) Julião Sarmento ‘Meta Mali’ afirma, “rekonsiliasaun hahu 1975, iha ne’ebé partidu sira hahu simu malu hodi luta ba ukun rasik-an.”

Ministru Meta Mali kasu lia ne’e bainhira halo abertura iha seminariu nasional komemora levantamentu Kraras, Mehara, Mauchiga, Rotutu, nomós Marabia, iha edifsiu Centro Chega!, Antigo Comarca Balide, Dili, Terça-feira (8/9/20).

Meta Mali informa, masakre no levantamentu pensamentu hosi komandu luta tanba komandu mihis daudauk, iha ne’ebé la’o de’it ho sentidu nasionalismu, sentidu patriotismu, mate ka moris ukun rasik-an.

Nutisias Relevantes:

Ministru MACLN afirma iha momentu ne’ebá bainhira rona Ramos Horta, Mari Alkatiri, no Ana Pessoa sei koalia iha rai liur, “ita iha fali esperansa,” tenik Meta Mali.

Nune’e ministru husu ba foinsa’e sira atu labele uza media sosial hodi hatun no/ka minimiza malu, maibé oinsa uza facebook hatene mundu konkretu, mundu real, aprende hodi sai matenek.

Antes atu hakotu, Meta Mali husu ba Centro Chega! atu halibur memoria hotu-hotu, bo’ot ka ki’ik, hotu-hotu ba libertasaun nasional, nune’e bele prezerva no memorializa ema hotu, hodi hamoris esperansa ba dezenvolvimentu nasaun nian.

“Hau hein katak Chega!, ita tenke esforsu halo ezersisiu oin-oin, louva, dignifika asoens sira ne’e sai asoens importante ba jerasoens aban bainrua,” tenik ministru Julião Sarmento.

Nia husu foinsaé sira tenke hakerek. Imi hakarak hatudu imi nia matenek, imi tenke hakerek. Imi tenke hatudu imi nia asaun propriu, hatudu katak imi matenek, Meta Mali hatutan.

Entretantu iha fatin mak hanesan, Diretor Ezekutivu Centro Chega! Hugo Maria Fernandes hato’o agradese ba Intelektual Bibleo Oan sira ne’ebé hamutuk ho Centro Chega! organiza eventu istoriku refere.

Hugo hateten, atividade ne’e hala’o ho objetivu rua de’it, mak hakarak hatutan memoria ba jerasaun foun sira, nune’e mos ba jerasaun tuan sira atu labele haree levantamentu sira ne’e hanesan levantamentu lokalizadu ida, maibe ne’e estratejia reorganizadu luta libertasaun nian.

Tema ba seminariu ne’e mak ‘dinamika instoria levantamentu iha kontextu orden komandu no perspetiva istoria ba lavantamentu nasional.’




Write a Facebook Comment

Hakerek ita nia komentariu uza account Facebook

View all comments

Write a comment

Loading....


Kanan - Iklan Sidebar

Lalatak Sosmed

Hare ami iha facebook, twitter, Instagram, Youtube para akompanha informasaun atual.