Liga Champions: Jornada Manchester City no Chelsea

By Metodio Caetano Moniz | 608 Views 09 Mai 2021, 00:41:51 HTL Divertimentu
Liga Champions: Jornada Manchester City no Chelsea

Caption: Jogus finais Liga Champions 2020/2021 entre Manchester City no Chelsea sei realiza iha Estádiu Olimpíku Ataturk, Istanbul, Turki, Sabadu, 29/05/2021 (Imajen Ilustrasaun: viva.co.id)


Jogus futebol Liga Champions 2020/2021 finaliza ona faze semifinal, ne’ebe rezulta Manchester City sei hasoru Chelsea iha faze final. Jogus finais entre ekipa futebol rua hosi Inglatera ne’e sei realiza iha Estádiu Olimpíku Ataturk, Istanbul, Turki, Sabtu (29/05/2021).

Manchester City hakat ba faze final hafoin halakon PSG (Fransa) iha leg daruak faze semifinal ho skor 2 – 0, Quarta-feira (05/05/2021), ne’ebe iha leg dahuluk, mak realiza iha dia 28 Abril 2021 halakon ekipa mak hanesan ho skor 2 – 1.

Entretantu Chelsea halakon Real Madrid iha leg daruak faze semifinal mak realiza iha dia 6 Maio 2021 ho skor 2 – 0, ne’ebe iha leg dahuluk, realiza iha Estádiu Alfredo di Stefano, Madrid, impata ho skor 1 – 1.

Nutisias Relevantes:

Oinsa jornada hosi ekipa rua ne’e antes atu hakat ba faze final? LALATAK.COM rekolha informasaun hosi fontes kredivel lubuk ida ho halo rezumu kronolojikamente hanesan eskreve tuir mai.

Jornada Manchester City ba Final

Manchester City (Inglatera) halao jogus ho ekipa seluk hosi Grupu C, hanesan FC Porto (Portugal), Marseille (Fransa), no Olympiakos (Yunani) hodi kompete hadau tiketi ba faze oitos finais.

Dia 21 Outubro 2020: Manchester City hahu ninia jornada ho halakon FC Porto (Portugal) 3 – 0 iha jogus dahuluk Grupu C nian. Jogador ne’ebe kontribui golu mak Aguero, Gundongan, no Torres (Manchester City), nomos Diaz hosi FC Porto.

Dia 27 Outubro 2020: Halakon Marseille (Fransa) ho skor 3 – 0. Torres, Gundogan, no Sterling (Manchester City) kontribui ba golu iha jogus ida ne’e.

Dia 3 Novembro 2020: Olympiakos (Yunani) hetan derota hosi Machester City ho Skor 3 – 0. Kontributor golu mak Torres, Gabriel Jesus, no Cancelo.

Dia 25 Novembro 2020: Dala ida tan Manchester City halakon Olympiakos iha jogus daruak ho Skor 1 – 0, ne’ebe golu ne’e kontribui hosi Foden.

Dia 1 Dezembro 2020: Jogus ba daruak entre Manchester City ho FC Porto ne’e ho rezultadu 0 – 0 (impata).

Dia 9 Dezembro 2020: Halakon Marseille iha jogus ba daruak nian ho skor 3 – 0, ne’ebe golu hirak ne’e kontribui hosi Torres, Aguero, no Alvaro.

Ho manan dala lima no impata dala ida iha faze eliminasaun grupu, Manchester City sai nudar klasifikasaun primeiru iha Grupu C, ho total pontus 16, no hakat ba faze oitos finais (Babak 16 Besar).

Dia 24 Fevereiro 2021: Manchester City, iha leg dahuluk halakon Borussia Monchengladbach ho skor 2 – 0, ho kontribuisaun golu hosi Silva no Gabriel Jesus.

Dia 16 Marco 2021: Iha leg daruak hasoru Borussia Monchengladbach, Manchester City mos manan ho skor 2 – 0, ho kontribuisaun golu hosi De Bruyne no Gundogan.

Manan ho rezultadu agregadu 4 – 0, Manchester City kontinua ninia jornada ba faze quartas finais (Babak 8 Besar).

Dia 6 Abril 2021: Manchester City, iha leg dahuluk halakon Borussia Dortmund ho skor 2 – 1, ho kontribuisaun golu hosi De Bruyne no Foden (Manchester City), nomos hosi Reus (Borussia Dortmund).

Dia 14 Abril 2021: Iha leg daruak hasoru Borussia Dortmund, Manchester City mos manan ho skor nafatin 2 – 1, ho kontribuisaun golu hosi Mahrez no Foden (Manchester City), nomos hosi Bellingham (Borussia Dortmund).

Ho rezultadu ne’e, Manchester City konsege hakat ba faze semifinal, no hafoin hein kuaze tinan hirak nia laran bele joga fali iha faze final hosi eventu prestíjiu iha kontinente Europea.

Jornada Chelsea ba Final

Chelsea (Inglatera) halao jogus ho ekipa seluk hosi Grupu E, hanesan Sevilla (España), Krasnodar (Rusia), no Rennes (Fransa) hodi kompete hadau tiketi ba faze oitos finais.

Dia 20 Outubro 2020: Chelsea hahu ninia jornada ho rezultadu impata 0 – 0 hasoru klubu Sevilla hosi España.

Dia 28 Outubro 2020: Halakon Krasnodar (Rusia) ho skor 4 – 0. Hudson-Odoi, Werner, Ziyech, no Pulisic kontribui golu iha jogus ida ne’e.

Dia 4 Novembro 2020: Rennes (Fransa) hetan derota hosi Chelsea ho Skor 3 – 0. Kontributor golu mak Werner (golu rua) no golu ida hosi Abraham.

Dia 24 Novembro 2020: Dala ida tan Chelsea halakon Rennes iha jogus daruak ho Skor 2 – 1, ne’ebe golu rua hosi Chelsea kontribui hosi Hudson-Odoi no Giroud, no Guirassy kontribui golu ba klubu Rennes.

Dia 2 Dezembro 2020: Jogus ba daruak entre Chelsea ho Sevilla ne’e ho rezultadu Chelsea manan ho skor 4 – 0, ne’ebe golu hat refere kontribui hosi Giroud.

Dia 8 Dezembro 2020: Jogus ba daruak entre Chelsea ho Krasnodar ne’e ho rezultadu impata 1 - 1, ne’ebe Jorginho kontribui golu ba Chelsea no Cabell aba Krasnodar.

Ho rezultadus jogus manan dala 4 no impata dala 2 iha faze eliminasaun grupu, Chelsea sai nudar klasifikasaun primeiru iha Grupu E, ho total pontus 14, no hakat ba faze oitos finais (Babak 16 Besar).

Dia 23 Fevereiro 2021: Chelsea, iha leg dahuluk halakon Atlético Madrid ho skor 1 – 0, ho kontribuisaun golu hosi Giroud.

Dia 17 Marco 2021: Iha leg daruak hasoru Atlético Madrid, Chelsea mos manan ho skor 2 – 0, ho kontribuisaun golu hosi Ziyech no Emerson.

Manan ho rezultadu agregadu 3 – 0 iha faze oitos finais, Chelsea kontinua ninia jornada ba faze quartas finais (Babak 8 Besar).

Dia 7 Abril 2021: Chelsea, iha leg dahuluk halakon FC Porto ho skor 2 – 0, ho kontribuisaun golu hosi Mount no Chilwell.

Dia 13 Abril 2021: Iha leg daruak hasoru FC Porto, Chelsea hetan derota hasoru klubu hosi Portugal ne'e ho skor 0 – 1. Golu ba FC Porto kontribui hosi Taremi.

Maske lakon iha jogus ba daruak hasoru FC Porto, maibe Chelsea manan ho skor agregadu 2 – 1. Nune’e, klubu Inglatera ne’e mak hakat ba faze semifinal, no ikus mai sei hasoru Manchester City iha faze final.* (Kompila hosi várias fontes media online).




Write a Facebook Comment

Hakerek ita nia komentariu uza account Facebook

View all comments

Write a comment

Loading....


Kanan - Iklan Sidebar

Lalatak Sosmed

Hare ami iha facebook, twitter, Instagram, Youtube para akompanha informasaun atual.