Horta Husu Impede Prosesu Injustu Hasoru Witness-K

By Metodio Caetano Moniz | 648 Views 03 Set 2020, 08:59:30 HTL Politika
Horta Husu Impede Prosesu Injustu Hasoru Witness-K

Caption: Ex-Preizendenti José Ramos Horta husu Australia impede tiha prosesu injustu hasoru Witness K no Bernard Collaery (Photograph: Dean Lewins/AAP).


Ex-Preizendenti José Ramos Horta husu Australia hatudu prudênsia, onestidade no domin hodi impede tiha prosesu injustu hasoru Witness K no Bernard Collaery, kazu neébe nia konsidera “politiku” no “choque” Timor-oan nia laran.

Hanesan fo sai iha mídia The Guardian, Quarta-feira (2/9/20), Loureado Nobel da Paz neé hateten ema nain rua neé deve ser hetan permisaun hodi halao sira nia moris normal.

Australia no Timor-Leste, Horta hateten, divia koloka tiha eskândalu – kalohan metan iha relasaun bilateral positiva – neé ba kotuk.

Nutisias Relevantes:

“Ita tenki tau tiha sasan hirak neé ba kotuk! Hatudu prudênsia, hatudu onestidade no domin. Husik Witness K moris hanesan patriota onradu ida iha Australia,” Ramos Horta koalia iha eventu ida neébe organiza hosi Institutu Austrália.

Hapara ona sateia Bernard Collaery nia moris. Husik nia livre hodi halao servisus hanesan advogadu ida, moris hakmatek no respeita sira, Horta hatutan.

Witness K, ofisial servisus intelijênsia Austrália, no ninia advogadu Collaery, ex-prokurador-jeral hasoru ameasas pena prizaun tanba fo sai informasaun operasaun eskuta intelijênsia Australia iha eskritoriu Governu Timor-Leste durante prosesu negosiasaun bilateral tratadu Tasi Timor, iha tinan 2004.

Ramos Horta salienta, tratamentu injustisa hasoru Witness K no Bernard Collaery neé profundamente “choque” tebtebes Timor-oan nia laran. Nia la hare importânsia ruma atu lori kazu neé ba oin.

Nia komprende konaba konfidensialidade hosi servisus intelijênsia, maibe operasaun ida neébe halao iha Timor-Leste neé diferente uitoan. Se Austrália halo espionajen hasoru Korea do Norte, China, ka Russia, ita bele komprende, Horta hateten.

“Maibe espionajen hasoru Timor-Leste tanba interesse Woodside, Conocophillips, ka kompania mina seluk, ida neé hanesan lolos senhora ida moris kiak ho idade tinan 80, hela iha Australia neéba, moris deit ho pensaun, no Australia tenta hadau ninia osan,” Horta kompara.

Antes remata koalia iha eventu refere Ramos Horta esklarese, nia hakfodak kuandu nasaun bot ida hanesan Austrália permiti prosesu judisiais sai obskuresidus (kabur) ho forma hanesan neé, The Guardian relata.*




Write a Facebook Comment

Hakerek ita nia komentariu uza account Facebook

View all comments

Write a comment

Loading....


Kanan - Iklan Sidebar

Lalatak Sosmed

Hare ami iha facebook, twitter, Instagram, Youtube para akompanha informasaun atual.