LALATAK.COM hanesan portal notisias online neébe funda hodi fahe informasaun ba sosiedade Timorense mak hela iha rai-laran, tantu hirak neébe hela iha tasi-balun. Notisias LALATAK.COM atualiza durante oras 24 nia laran no espera bela ganha pageviews minimu rihun sanulu resin iha fulan ida nia laran.
LALATAK.COM existi ho vizaun: “Sosiedade kritiku no siviku”, atraves konkretizasaun misaun: “Publika informasaun atual, kredivel no edukativu, banati ba etika jornalismu no valores umanus,” ho kaer metin ba prinsipiu Accurate, Balance, and Clarity (ABC) hodi hametin kredibilidade (credibility) hosi meius komunikasaun sosial ida neé.
LALATAK.COM aprezenta konteudo notisias ho kategoria oi-oin, hanesan notisias konaba politika, sosial, ekonomia, teknolojia, divertimentu, desportu, no sel-seluk tan. LALATAK.COM mos hanesan portal neébe fornese inovasaun konaba konteudo video no disponivel asesu ho telemovel (mobile friendly). Seluk hosi publiku em jeral, leitores LALATAK.COM kompostu hosi profisionais, trabalhadores instituisoens publikas no privadu, emprezariu, politiku sira, estudantes, nomos uma-nain sira (dona da casa).
Konteudo notisias LALATAK.COM hakerek ho k’roat (maibe la hakanek), bazeia ba faktus, atual, edukativu, no dinamiku hodi hatan ba exijensia publiku konaba asesu informasoens ho karakteristiku ABC (Accurate, Balance, and Credible), buat neébe sei la hetan hosi midia sosial sira. Seluk hosi neé, konseitu portal notisias online sai ona hanesan kultura ba sosiedade tanba iha abilidade hodi fornese informasaun ho lalais, no bele asesu iha tempu no hosi fatin neébe deit.
LALATAK.COM formalmente lansa hanesan portal notisias iha loron 2 Agosto 2020 no nudar online business hosi Core Magic Solutions, Lda., kompania nasional multi-integradu neébe prospetivu teb-tebes iha Timor-Leste, rejistadu iha Servico de Registo e Verificacao Empresarial (SERVE) ho numeru uniku empreza 1284362, no legalizasaun ba atividades LALATAK.COM iha dia 6 de Agosto de 2020, ho numeru atividade komersial autorizada 631. Seluk hosi midia, kompania neé mos halao ninia negosiu iha area dezenvolvimentu institusional no rekursus umanus atraves atividades treinamentu no servisus konsultoria.
Proseu lansamentu neé marka prezensa hosi foinsaé hirak neébe iha vontade, no voluntariamente hakarak aprende jornalismu atraves plataforma ida neé, kompostu hosi Lidia A. Tavares, Sidonia D.C. Soares, Deviana V.V. Sarmento, Cezario Cesar, Firmina S.M. Amaral, David Noano Ximenes, Natalino J.A. Fernandes, Cesaltina R.M. Madeira, Fidelio M. Soares, no Nelson A. Seixas. Foinsaé hirak neé sai nudar parte integrante hosi familia LALATAK.COM, hamutuk hodi haburas liberdade imprensa no liberdade ba expresaun.
Core Magic Solutions, Lda. funda hamutuk hosi Metodio Caetano Moniz (Chief Executive Officer), Martinho Moniz (Chief Operations Officer), Bebiana A.M. Soares (Chief Finance Officer), Jesuino Marcal de Jusus (Chief Marketing Officer), no Maria do Ceu Gusmao (Executive Secretary).*