Haruka Fotografia Atraves WhatsApp Sem Reduz Qualidade

By Metodio Caetano Moniz | 717 Views 16 Ago 2020, 04:54:32 HTL Teknolojia
Haruka Fotografia Atraves WhatsApp Sem Reduz Qualidade

Caption: Imajen ilustrasaun hosi https://www.zeebiz.com/


Tanba fasil no pratiku liu, ema barak uza WhatsApp (WA) hodi fasilita komunikasaun ho lalais, inklui haruka file ho formatu oioin ba malu, dokumentu, fotografia, ka video. 

Kestaun mak fotografia no video neébe haruka atraves WA ninia kualidade (rezolusaun) ladun diak. Ida neé akontese tanba WA automatikamente reduz tiha fotografia ka video ninia rezolusaun.

Ba utilizador baibain, parese ladun preokupa no tau importansia ba ida neé. Importante mak bele hare mos. Maibe, ba fotografer ka jornalista sira, kualidade fotografia importante tebtebes. Nuneé mos ho LALATAK.COM.

Nutisias Relevantes:

Oinsa haruka fotografia liu hosi WA, maibe la reduz ninia rezolusaun? Antes neé Autor mos la hatene. Jesuino Marcal de Jesus (Zinho), Managing Editor LALATAK.COM mak hatudu maneira neé. Artigu ida neé eskreve Zinho nia esplikasaun ba Autor, espera bele sai referensia ba utilizador WA sira seluk.

1. Asesu ba WA; hili ema/grupu neébe ita atu haruka fotografia neé. Iha ezemplu ida neé hau haruka fotografia ba Grupu LALATAK.COM.


2. Klik iha icon numeru (1) hanesan figura hatudu iha leten. Prosesu neé lori ita ba hili tipu file mak atu haruka, document, gallery, video, no sel-seluk tan.

3. Klick icon Document, numeru (2); hanesan hatudu iha figura (iha leten) para asesu ba lokal fotografia neébe atu haruka.

4. Hili ka klik file fotografia neébe atu haruka. WA husu konfirmasaun, atu Cancel (kansela prosesu haruka fotografia) ka Send (kontinua haruka fotografia). Klik menu Send (numeru 3; hare figura iha k'raik) para haruka fotografia neé.


5. Hare ninia rezultadu hanesan hatudu iha figura tuir mai.


Espera tutorial ida neé útil ba ita hotu. Nafatin vizita LALATAK.COM para akompaña tutorial konaba teknolojia informatika ka asuntus seluk.*




Write a Facebook Comment

Hakerek ita nia komentariu uza account Facebook

View all comments

Write a comment

Loading....


Kanan - Iklan Sidebar

Lalatak Sosmed

Hare ami iha facebook, twitter, Instagram, Youtube para akompanha informasaun atual.