Governu Nigeria Suspende Redi Sosial Twitter

By Metodio Caetano Moniz | 438 Views 06 Jun 2021, 04:44:39 HTL Internasional
Governu Nigeria Suspende Redi Sosial Twitter

Caption: Prezidente Nigéria Muhammadu Buhari (Foto: Sky News).


Microblogging Twitter apaga Prezidente Nigéria Muhammadu Buhari nia tweet (postingan) tanba parte balu interpreta ninia konteudo nudar xamada atu halo jenosídiu ba grupu étniku Igbo. Hatan ba ida ne’e, Governu Nigéria blokeia servisus Twitter iha país refere.

“Governu federal suspende ona, ba tempu indeterminadu, servisus microblog no redi sosial Twitter iha Nigéria,” postou Ministériu Informasaun iha Twitter, Sexta-feira (04/06/2021).

Iha Sabado (05/06/2021), Twitter hatan, “profundamente preokupadu ho polítika Governu Nigéria ne'e. Asesu livre no #OpenInternet hanesan direitu umanu esensial ida iha sosiedade moderna.”

Nutisias Relevantes:

Ami sei halo esforsu hodi restaura asesu ba ema hotu-hotu iha Nigéria mak uza Twitter hodi halo komunikasaun no interasaun ho mundu. #KeepitON, Twitter aumenta.

Antes ne’e, Prezidente Muhammadu Buhari, através Twitter posting fraze “ameasas” ba ninia advesáriu polítika hodi dehan, “lubuk ida ne’ebe oras ne’e dadaun hatudu komportamentu ladiak, nurak liu atu hatene desturisaun no lakon vida durante akontese guera sivil iha Nigéria. Ba hirak ne’ebe hakarak funu, sei hetan tratamentu ho língua ne’ebe sira komprende.”

Parte balu preokupa katak konteudo tweet ne’e dirijida ba grupu étniku Igbo, étniku maioria iha rejiaun sudeste hosi Nigéria, ne’ebe halo atakes armadas ba edifísiu Komisaun Nasional Eleisoens, relata mídia The New York Times , Domingo (06/06/2021).

Responde ba preokupasaun ne’e, Twitter konsidera tweet Prezidente Muhammadu Buhari ne’e viola ona polítika konaba “komportamentu abizuvu”, no apaga tiha fraze ne’e hosi redi sosial refere.

Embora suspensaun ba Twitter aplika hela, Nigerianus sira sei nafatin utiliza plataforma mídia sosial ida ne’e atraves rede privadas virtuais.*




Write a Facebook Comment

Hakerek ita nia komentariu uza account Facebook

View all comments

Write a comment

Loading....


Kanan - Iklan Sidebar

Lalatak Sosmed

Hare ami iha facebook, twitter, Instagram, Youtube para akompanha informasaun atual.