Google Lens, Halo Tradusaun Ate Deteta Animal

By Metodio Caetano Moniz | 562 Views 03 Set 2020, 07:10:11 HTL Teknolojia
Google Lens, Halo Tradusaun Ate Deteta Animal

Caption: Ilustrasaun Google Lens (Source: www.guide.servify.in).


Tebes, katak teknolojia oferese konveniênsia iha ita ema nia moris, maske balun dehan lori mos efeitu negativu. Teknolojia fasilita komunikasaun ho fasil no lalais, fasil asesu informasaun, habadak tempu, hamenus gastu, no sel-seluk tan.

Hosi produtu teknolojia informasaun barbarak, Google Lens hanesan aplikasaun ida hosi Google LLC mak oferese mos konveniênsia ba ita através utilizasaun kâmera telemóvel.

Hanesan sita iha sira ninia sitiu ofisial, ita bele uza Google Lens hodi halo tradusaun ba textu, identifika ai-horis no animal, identifika fatin, buka hatene produtu ruma, no benefísiu seluk tan, so através kâmera telemóvel.

Nutisias Relevantes:

Aponta ita nia kâmera telemóvel ba textu ruma iha surat-tahan, poster, pamfletu, didilolon no sel-seluk tan, Google Lens sei hatudu direkta rezultadu tradusaun iha ita nia kâmera telemóvel.

Google Lens mos bele uza hodi identifika ai-horis ka animal ruma. Aponta ita nia kâmera telemóvel ba ai-horis ka animal, nuneé Google Lens sei hatudu detalles konaba ai-horis ka animal refere iha ita nia telemóvel.

   

Sei iha vantajen seluk mak Google Lens oferese. Ita bele koko rasik hafoin instala iha telemóvel. Iha artigu ida neé, autor fahe esperiênsia wainhira uza Google Lens neébe instala iha telemóvel ho plataforma Android versaun 9 ka Android Pie.

Oinsa maneira uza Google Lens? Asesu ba Play Store iha ita nia telemóvel. Buka Google Lens no instala. Hofoin instala, asesu ba Google Lens através icon Lens iha ita nia telemóvel.

Tradusaun ba Textu. Hafoin asesu ba aplikasaun Google Lens, hili/klik icon . Aponta ita nia kâmera telemóvel ba textu neébe atu traduz. Le rezultadu tradusaun iha ita nia kâmera telemóvel.

Buka Referensia. Hili/klik icon . Aponta kâmera telemóvel ba textu neébe atu buka ninia referênsia. Hein uitoan, detalles esplikasaun relasiona ho textu refere sei hatudu iha ita nia kâmera telemóvel.

Deteta Produtu. Hili/klik icon . Aponta kâmera telemóvel ba barcode neébe atu buka ninia referênsia. Hein uitoan, detalles esplikasaun relasiona ho barcode refere sei hatudu iha ita nia kâmera telemóvel.

Deteta Animal. Hili/klik icon . Aponta kâmera telemóvel ba animal neébe atu buka ninia referênsia. Hein uitoan, detalles esplikasaun relasiona ho animal refere sei hatudu iha ita nia kâmera telemóvel.

Ba oin Google Lens sei kompleta ho abilidade rezolve formula matemátika, neébe bele azuda estudante sira solusiona sira nia trabalho para casa. Fasilidade ne’e hanaran “Homework”. Ate hakerek artigu ida neé Google ladauk konfirma wainhira atu lansa fasilidade neé.*




Write a Facebook Comment

Hakerek ita nia komentariu uza account Facebook

View all comments

Write a comment

Loading....


Kanan - Iklan Sidebar

Lalatak Sosmed

Hare ami iha facebook, twitter, Instagram, Youtube para akompanha informasaun atual.