FRM Sosializa Problema Papua Osidental

By Juvelino A.A. Fernandes | 1759 Views 04 Set 2020, 13:43:42 HTL Sosial & Kultura
FRM Sosializa Problema Papua Osidental

Caption: FRM realiza seminariu hodi sosializa Povu Papua nia luta ba Ukun Rasik-An (Foto: Juvelino A.A. Fernandes | LALATAK.COM).


Front Rakyat Maubere (FRM) organiza seminariu ho tema papua nia luta, ita nia luta, no umanidade nia luta hodi sosializa no sensibliza problema povu Papua Osidental nian, fanun espiritu solidariu povu Maubere atu hamri’ik fo solidaridade ba povu Papua.

Porta Voz Front Rakyat Maubere Miguel Arcanjo Moniz da Silva informa, desde tinan 2018 FRM halo ona asaun pasifiku, maibé ladun efetivu tanba hetan intervensaun hosi Polisia Nasional Timor-Leste.

FRM, Miguel hatutan, uza mekanizmu seluk hodi sosializa problema povu Papua nian, liu hosi diskusaun mak realiza kada universidade, seminariu, no kampaña iha media sosial hodi sosializa povu Papua Osidental nia luta ba independensia.

Nutisias Relevantes:

Delegasaun Media Nasional Papua Osidental iha Timor-Leste Frans Maubere, ba LALATAK.COM (ho lian Indonesia) hato’o agradese ba povu Timor-Leste no FRM ne’ebé organiza ona asaun seminariu refere nu’udar asaun solidaridade internasional ba Papua nia problema.

“Hau espera povu Timor-Leste nafatin fo apoiu solidaridade internasional, nune’e ami bele hetan ukun rasik-an no hamri’ik mesak hanesan nasaun ida,” Frans hato’o.

Durante seminariu ne’ebe hala’o iha Palpaso, Dili, Quinta-fera (3/9/20), Estudante UNTL Guerson Ribeiro afirma, soliedariedade ne’e hanesan parte importante ida hosi justisa.

“Asaun solidaridade mak agora ita halo ne’e la ses husi konstituisaun RDTL ne’ebe preve iha artigo 10, solidariedade ba povu oprimidu sira,” Guerson aumenta.

Iha fulan Dezembru tinan neé FRM sei komemora loron proklamasaun independensia Papua nian, nomós loron invazaun Indonesia mai Timor ho asaun pasifika iha Embaixada Indonesia iha Timor-Leste, durante loron hitu.* | Editor: Martinho Moniz




Write a Facebook Comment

Hakerek ita nia komentariu uza account Facebook

View all comments

Write a comment

Loading....


Kanan - Iklan Sidebar

Lalatak Sosmed

Hare ami iha facebook, twitter, Instagram, Youtube para akompanha informasaun atual.