CEFOBOM: Manufahi Krime Menus tanba Foinsae Konsiensializadu

By Martin Moniz | 971 Views 03 Jun 2021, 23:15:36 HTL Sosial & Kultura
CEFOBOM: Manufahi Krime Menus tanba Foinsae Konsiensializadu

Caption: Diretor Ezekutivu CEFOBOM, Antoninho D. Sarmento. Foto: Privadu


“Numeru kazu krime iha munisipiu Manufahi ki’ik liu tanba foinsa’e sira iha konsiensia humana nu’udar Timor-Oan, Manufahi-Oan, katak violensia la’os Timor nia identidade”, Diretor Ezekutivu Centro Juventude Dom Boa Ventura (CEFOBOM) Antoninho D. Sarmento ba LALATAK.COM, Quinta-feira (03/06/21) via telefone.

Antoninho akresenta, baze liu mak inan-aman sira nia edukasaun, hamoris konsiensia foinsa’e sira nian hodi kontribui ba paz no dame, liu hosi dialogu, no solusiona rasik problema sira. Aleinde ne’e mos lideransa organizasaun sira ne’ebé diak, komitementu ona atu harii paz.

Lider juventude Manufahi ne’e espresa nia apresiasaun bo’ot ba foinsa’e sira, no nia afirma, dadus ne’ebé publika hosi Policia Nacional Timor-Leste (PNTL) katak numeru kazu krime, violentu iha Manufahi ki’ik liu, ne’e orgullu ba Manufahi-Oan sira.

Nutisias Relevantes:

Entretantu, Antoninho haktuir, durante ne’e Centro Juventude servisu hamutuk ho entidade hotu-hotu hodi mobiliza rekursu sira hosi governu, ajensia internasional nune’e bele fasilita foinsa’e Manufahi iha area formasaun, no programas ka atividades produtiva sira.

Purtantu, durante ne’e CEFOBOM harii no/ka estabelese ona grupu foinsa’e iha nivel suku sira hodi dezenvolve no promove abilidade foinsa’e sira nian.

Diretor Ezekutivu CEFOBOM husu ba foinsa’e sira labele toba bebeik, hader, kore-an hosi kolen, baruk, hodi hakat ba oin. Tanba mundu kompetetivu ejize halo buat ne’ebé fó folin ba ita nia Maromak, ita nia rai, no ita nia sosiedade.*




Write a Facebook Comment

Hakerek ita nia komentariu uza account Facebook

View all comments

Write a comment

Loading....


Kanan - Iklan Sidebar

Lalatak Sosmed

Hare ami iha facebook, twitter, Instagram, Youtube para akompanha informasaun atual.