Bolu Lafiar: Levantamentu Marabia ho Kilat 67

By Fidelio M. Soares | 665 Views 08 Set 2020, 21:28:19 HTL Istoria
Bolu Lafiar: Levantamentu Marabia ho Kilat 67

Caption: Hosi Parte Kuana Moderador Jose Luis Guterres, hamutuk ho sasin no autor ba levantamentu sira (Foto: Sidonia Soares | LALATAK.COM).


Levantamentu Marabia, grupu asaltu hat hanesan, Marabia, Bekora, Fatunaba no Dare, Dili uza armas hamutuk 67. Maske grupu asaltu hat, meibe tanba komandu mak Marabia, ne’e mak hanaran Levantamentu Marabia.

Lia nee kasu hosi Filipe Moniz ‘Bolu Lafiar’ ba LALATAK.COM bainhira sai nu’udar orador iha seminariu nasional loron (8/9/20) hodi konta levantamentu Marabia, ne’ebe Forsas Armadas Libertasaun Nasional Timor-Leste (FALINTIL) ho komunidade asaltu militar indonezia iha loron 10 Junho 1980.

Autor levantamentu ne’e haktuir, bainhira baze apoiu rahun forsa barak mak rende. Nune’e, hahu tinan 1979 to’o 1980 konsolida fali iha vila, haktuir ba orientasaun hosi komandu luta, maibe la hanoin atu halo asaltu. 

Nutisias Relevantes:

Asaun neé, Bolu Lafiar hateten, so atu hatudu ba mundu katak Timor-Leste hakarak ukun rasik-an.

“Ami hatene ona sei akontese buat ruma, maibe data 10 de Junho ami seidauk hatene, ami hatene iha Timor laran tomak sei halo dala ida deit,” tenik Bolu Lafiar.

Entretantu Saturlino Exposto Babo ‘Sama Malae’, sasin ba akontesimentu ne’e haktuir, momentu ne’e Bispo Dom Martinho Lopes (matebian) husu tenki halo asaun ruma, fo sai ba mundu katak, la’os ema hotu rende tiha ona, maibe iha ai-laran FALINTIL sei iha.

Sama Malae nu’udar sasin hato’o lia ne’e atravez live talkshow iha kanal Radio Televizaun Timor-Leste (RTTL), iha Edifisiu Centro Chega!, Segunda-feira (7/9/20), iha ambitu komemorasaun levantamentu istoriku Kraras, Mehara, Mauchiga, Rotutu, no Marabia.

Ba LALATAK.COM Sama Malae hatutan, “preparasaun levantamentu Marabia iha ona planu, momentu ne’e iha ona kontaktu hosi ai-laran atu halo levantamentu, maibe ida ne’e la'os iha Marabia deit ka iha Dili deit, maibe kuaze iha munisipiu sira iha Timor.” Reportajem: Fidelio Soares & Bonifacio A. Correira | Editor: Martinho Moniz




Write a Facebook Comment

Hakerek ita nia komentariu uza account Facebook

View all comments

Write a comment

Loading....


Kanan - Iklan Sidebar

Lalatak Sosmed

Hare ami iha facebook, twitter, Instagram, Youtube para akompanha informasaun atual.